今日(614日)係端午節,端午節除咗係紀念屈原之外,仲有驅除瘟疫之意。當然,端午節都唔好忘記一班有需要人士,節日之下更需要關心。 

臨近端午節,香港社區組織與防疫用品品牌「C-Force」義工隊喺10日特意前往通州街公園一帶,派發共約300份端午糭物資包,畀一眾無家者都可以感受到節日氣氛。

當晚約7時多,約20名「C-FORCE」義工嚟到社協會址,一同包裝端午物資,將端午糭、口罩、消毒液、紙包飲品同水果用膠袋裝好,到8時義工隊出發,將一車車物資送往毗鄰嘅通州街公園派發,期間反應熱烈,約300份物資喺一個鐘頭內就派完。 

除咗派畀露宿者外,義工隊亦有向受疫情影響嘅基層家庭派發物資。是次活動共約派發6萬個口罩、800枝消毒搓手液同超過400份端午節糭,估計共有逾1000人受惠。 

圖片來源︰SOCO 香港社區組織協會;C-Force潔動力