大家又知唔知港珠澳大橋嘅外形係以咩海洋生物作為設計元素呢?係中華白海豚呀!

港珠澳大橋管理局環保工程師溫華表示,希望大家見到橋塔外形時,會更了解白海豚呢個物種。又指,大眾會因此提高保護海洋環境嘅意識。 

港珠澳大橋走線穿過國家級中華白海豚保護區,因此環保工程師設計時都格外注意。溫華表示,原本設計嘅橋墩數量係318個,為咗保護中華白海豚以及整個海洋環境減少至224個,即少建了94個橋墩。 

溫華又表示,施工過程中會特意監測每一項工程對水下噪音嘅影響,再結合對白海豚聽力嘅影響而施行保護範圍。另外,施工前會有「觀豚員」,對附近海面進行觀察。如果發現有海豚就不會開工,或者正在開工時見到海豚會停止施工,游走之後先再繼續。 

對於媒體想了解工作人員同白海豚之間嘅故事,溫華表示,「我們最好的故事,就是沒有故事」。最後感嘆,在建設港珠澳大橋時沒有因為施工而導致白海豚受傷或死亡,為自己保護到中華白海豚而做嘅工作而感到自豪,直呼「這份工作好值得啊」! 

資料和圖片來源︰央視