南韓一個設計師近日設計咗一款名為「第三隻眼」嘅機械眼睛裝置,讓「低頭族」喺玩手機嘅時候都可以安全行路。而該裝置嘅用法亦都十分簡單,用家只要將裝置戴在額頭,佢就會自動偵測前方嘅障礙物,並在必要時發出警報,避免意外發生。


「第三隻眼」一共有兩個感應器,其中一個負責感應用家頸部活動,而另一個則負責感應機械眼睛裝置與前方障礙物的距離。當使用者低頭看手機時,裝置嘅半透明眼皮就會打開,並開始偵測前方嘅障礙物,若探測到前方一至兩米有障礙物的話,佢就會即時發出警報。


然而28歲嘅設計師 Paeng Min-wook 卻指,「第三隻眼」只是一種警告,並非一個真正提供比「低頭族」嘅解決方案。佢亦表示,希望藉著提出這個諷刺嘅解決方案,令到人們了解到手機成癮嘅嚴重性,並且可以好好地反省自己。


圖片來源:minwookpaeng@Instagram