早排香港處處花開,吸引唔少市民到場打卡留念,而廣州白雲區亦有一個打卡好去處,就係一棟民居外墻嘅簕杜鵑喇。呢棵簕杜鵑爬上民居外墻,足足有9層樓高,每當花開嘅時候,遠遠望去就好似瀑布咁壯觀好睇!

每當春天蒞臨,廣州市白雲區雲苑新村三街嘅一棟居民樓外牆上就會出現一個奇景,佢就係紅色嘅「瀑布」簕杜鵑花。鮮紅色嘅杜鵑花直攀九樓,好似瀑布咁傾瀉而下。據附近嘅居民介紹,呢度嘅簕杜鵑已有近30年樹齡,每到花朵盛開嘅時候,都會吸引眾多愛花之人前來打卡觀賞。

圖:金羊網