眨眼又到暑假啦,不少大專生、大學生已經完sem,可能分分鐘苦惱緊就業前景問題,或者搵緊實習,搵實習對於基層學生更加係一大挑戰。

去年4月至8月期間,香港社區組織協會及新青權利關注會就專上教育青年對參與實習計劃問題,以網上及Whatsapp問卷調查形式,訪問咗76名年齡介乎喺1725歲就讀專上教育嘅基層青年。 

調查結果顯示,大約八成受訪青年正申領專上教育學生資助及借貸計劃,六成受訪者表示需要工作供養自己,三成半受訪者表示需要供養家人,結果反映基層青年除咗要應付學業外,亦需要响課餘時間工作,以維持生計。 

調查亦顯示,超過九成受訪者希望參與實習計劃,認為可以增加個人競爭力,又容易得到知名企業或機構嘅聘用。調查亦指出,參與實習青年每月只能獲得平均四千多元嘅生活津貼,遠遠低於一般兼職,變相令基層青年會更傾向於兼職或「炒散」,以應付日常生活所需。 

有見及此,新青會主席伍嘉龍建議,政府可以改革青年發展委員會,訂立全面扶助貧窮青年政策,強化對基層青年嘅實習及經濟支援,如設立指定基層青年實習計劃或名額,攜手企業向參與實習計劃青年提供生活津貼等,讓基層青年能夠响畢業後喺就職市場搵到相關工作。 

圖片來源︰政府新聞網