小中學生嘅學業壓力唔少都嚟自同學之間嘅比較,而為咗減少攀比同避免歧視,中國教育部日前就發布《未成年人學校保護規定》,禁止學校、教師公開學生的考試成績和排名。


《未成年人學校保護規定》係中國教育部第一次為保護未成年人而製定嘅專門規章。該規定觸及範圍廣泛,包含校規管理、讀物管理、體質管理,甚至連手機管理等。而規定中嘅第10條就列明「學生的考試成績、名次等學業信息,學校應當便利學生本人和家長知曉,但不得公開、不得宣傳升學的情況」。


中國人民大學附屬中學校長劉小惠亦在記者會上表示,該規定係從防止「唯分數論」、保護學生隱私、避免歧視的角度出發。有關規定將於今年9月1日落實,相信學生往後嘅應試壓力都得以緩解,而他們都能擁有愉快的校園生活。


圖片來源:新華社