呢個星期天氣都唔太穩定,仲頻頻大雨連連,令人非常狼狽。有一班人默默守護住一班小朋友,令佢哋可以好安然咁踏入校園。

前日(61日)天文台下午一度發出紅色暴雨警告,學生上晝出門返學變得「論論盡盡」。有網民就上載相片到Facebook群組「屯碼牛牛」,相中可見,一間小學嘅校工同老師,大雨中列隊撐起雨傘,由校巴落車點一直伸延至校門,一眾乘校巴回校嘅同學唔洗驚畀雨水濺濕,亦唔會因佢哋開傘收傘動作,令現場秩序變得混亂。

不少網民睇到相,都大讚學校好有愛,真心為小朋友著想。有網民仲留言指,見到校長自己拎咗兩張櫈出來比學生換水鞋。又有網民表示,「讓學生學識到互助互愛既精神!」、「用心做實事」、「真正以同理心做事」等,令人窩心! 

圖片來源︰FB@屯碼牛牛