蔬菜係攞嚟食嘅,衫係用嚟著嘅,有無諗過兩者可以合二為一?吉林長春人文學院一位year 4嘅女學生唐丹陽,就自創出可食用服裝,唔單止具有環保可降解嘅特性,整出嚟嘅衫更可摺疊、熨燙同縫紉添。

唐丹陽經過多次試驗後,成功由菠菜中提取纖維,代替傳統纖維,並混合糖漿等可食用物質,製成可食用、可摺疊嘅服裝,呢套可食用服裝更加喺中國國際大學生時裝周上獲得「科技創新獎」。雖然唐丹陽曾經試過用蘋果、火龍果、青瓜同紅蘿蔔等食材實驗,但最後都係菠菜嘅呈現效果最佳。唐丹陽設計嘅可食用服裝主要以蔬菜嘅綠色同白色為主,剪裁寬闊飄逸。佢指服裝可降解,更可利用唔新鮮嘅蔬果嚟製造,減少浪費又環保。

圖:中新網