為了讓兩名仔仔可以在足不出戶的情況下「放電」,英國一位爸爸日前就將屋企改造成一個大型「攀石場」,並同佢哋大玩一個名為「地面是熔岩」(floor is lava)嘅挑戰,禁止佢哋接觸地面,並改以「攀爬」嘅方式回到自己位於二樓嘅房間。

根據外媒報導,48歲嘅 Matt Heason 與47歲嘅妻子 Sophie 育有兩子,而為咗比好動嘅仔仔喺屋企都可以正常運動,佢哋就決定喺屋企各處裝上攀岩設施。而從影片中可見,客廳、樓梯、浴室到睡房都設置了不少掛勾、吊繩、欄杆同安全繩,而這些設施更由室內伸至室外。


爸爸 Matt 表示,由於兩個仔仔過去一直都有接受攀岩訓練,所以佢哋早喺 2017 年就喺父母屋企裝咗類似嘅攀岩設施。不過現時受疫情影響,仔仔無法去攀岩場練習,所以佢哋就決定喺屋企加裝同樣的設施,避免佢哋因為缺乏練習而生疏。

圖片來源:mheason@Instagram