動物嘅智商不容睇小!平時見到啲貓貓狗狗識得自己開門已經覺得好驚奇,但巴西一名女子竟然拍到兩隻蜜蜂合作扭開樽蓋嘅奇景,令一眾網民大為驚訝,唔通呢兩隻蜜蜂成咗精?

巴西一名女網友日前拍到一段不可思議嘅短片,有一日佢喺戶外飲緊一支橙味汽水,點知支汽水擺低一陣就吸引兩隻蜜蜂飛過來,分別停喺樽蓋兩側。只見兩隻小蜜蜂伸出手,一齊向逆時針方向用力,前後不過幾秒鐘,竟然就將樽蓋扭開,成功打開汽水。女網友將呢個過程拍低放上網分享,然後迅速喺社交平台廣泛流傳。網民紛紛感到驚奇又有趣,留言話:「這段影片驚人又恐怖,不過牠們到底是怎麼解決的」、「蜜蜂是我們的昆蟲霸主呀」、「蜜蜂是不是成精了」、「確認不是從烏鴉喝水學來的?」

科學家發現,其實蜜蜂一直以來都可以透過「相互合作」嘅方式解決問題。科學期刊《Science Advance》亦曾發表過一項研究結果,蜜蜂只要接受適當嘅訓練,就可以識得基本嘅加減法,做簡單嘅數學算術。

圖:Youtube@ViralHog