為咗慶祝自己生日,美國費城一間咖啡店的老闆竟然申請封街,並同一班廚師合作喺户外做出1條長達510呎(約155米)嘅超長牛肉芝士三文治,去打破健力氏世界紀錄。而呢一次嘅挑戰亦變成咗一場社區盛會,唔少民眾都企咗喺枱嘅兩邊等食,場面十分熱鬧。


當地咖啡店「Rim Cafe」嘅老闆 Rene Kobeitri 表示,自己希望喺生日當天搞一場人人都可以參與嘅大型聚會,所以就接納咗某人嘅提議,挑戰製作超大型牛肉芝士三文治。而佢事先申請將南費城第9街封鎖起嚟,以便在當日排出有2條街長度的枱,接龍式咁製作三文治。

從影片所見,多個廚師一齊喺長枱上製作牛肉芝士三文治,而每個廚師都在製作出屬於自己嘅版本,例如:意式番茄醬風、意式餛飩風、西班牙風等等。據了解,今次嘅挑戰用足足用咗過百條麵包,以及幾百磅牛肉,實在十分誇張。


圖片來源:NBC10 Philadelphia