依家嘅中學生真係青出於藍而勝於藍!

最近有8位學生代表香港參加第21屆亞洲物理奧林匹克,勇奪八面獎牌,分別奪得兩面金牌、兩面銀牌、兩面銅牌及兩個優異獎,呢個成績夠哂威!

就讀高主教書院嘅鄭逸朗和拔萃男書院嘅劉思進奪得兩面金牌;皇仁書院嘅張汶彥和聖保羅男女中學嘅藍仲宏奪得兩面銀牌;國際基督教優質音樂中學暨小學陳子峻、聖公會曾肇添中學湯梓峰各得銅牌;聖保羅男女中學陳立仁和聖言中學張瑋峰各奪取優異獎。 

教育局局長楊潤雄表示,香港隊取得驕人成績,展現STEM教育成果,又說,相信學習經歷有助激發學生响科學及科技方面嘅潛能,同時能夠培養求真創新精神。 

亞洲物理奧林匹克旨在推廣物理學教育,以培育同激勵响物理學方面具有優越潛能嘅學生。本屆比賽响本月1724日舉行,共有來自22個國家或城市,約181名學生參與。因應疫情,比賽透過在線監督,參賽者喺所屬國家或城市參賽,並參與虛擬活動。 

香港隊代表成員喺去年香港物理奧林匹克中獲得優異成績後,修讀由資優教育學苑安排嘅增潤課程,其中表現優秀者獲選為香港代表,响教育局全數資助下出戰本屆亞洲物理奧林匹克。 

圖片來源︰政府新聞網