海洋公園早前獲政府注資重生後,「浪接浪」推出活動,畀大家夏日樂悠悠!先前重現1984年嘅水上樂園,近日又繼2013年後再度推出浮潛活動「魚樂零距離」,大家嚟緊嘅炎炎夏日唔洗驚冇節目!

市民封關影響下無法外遊都唔緊要,「魚樂零距離」都可以解解大家嘅浮潛癮!活動將於62日至829日推行,525日下午4點就開始接受報名!屆時,參與者著上潛水衣及使用浮潛工具後,响海洋奇觀嘅淺水區域,近距離餵飼過百種珊瑚魚,如鑽石蝶、紫月仙等,途中欣賞埋館內嘅珊瑚景色。 

活動期間亦會有動物護理員响現場講解海洋保育知識,例如教導參與者進行水上活動前須卸妝,因化妝品嘅化學物質會導致珊瑚白化,令珊瑚魚生存空間減少,建議參與者進行戶外海上活動時可選擇穿著防曬衣。 

活動時長為75分鐘,以2人為一組(即1個浮圈),同時段可最多容納兩組,即2個浮圈共4人活動。每組收費1,500元,大小同價,接受8歲或以上小童,以及不懂游泳嘅人士參加,而未滿12歲小童須由已付費嘅成人陪同參與。參與者亦可要求拍攝及錄影服務,須於提前2日預約,相片及錄像需另外付費購買。 

活動詳情︰【「魚」樂零距離︱海洋公園】 

資料及圖片來源︰海洋公園