美國威斯康辛州一間麵包店 The Canfora Bakery 不幸遇上失竊事件,店內金錢及部分設備都慘遭賊人盜去。雖然老闆隨即報警求助,但為了能盡快搵出賊人,他就將賊人嘅背影印到自家的糖霜曲奇上,希望能讓顧客幫手認人。


由於店內的閉路電視拍到的小偷背影,所以老闆就想到這一個比張貼告示更有效嘅「捉賊奇招」,而佢哋更加將印上咗賊人背影曲奇餅命名為「罪犯曲奇(crime cookies)」。對此老闆 Karen 就笑指,自己希望透過曲奇讓更多客人留言到賊人嘅相片和資訊,並幫手認出該名賊人。


更令人意想唔到嘅係,「罪犯曲奇」果然有效,短短一個月內該名賊人就被人認出。麵包店亦於5月15日喺Facebook上發文報喜,指相關嘅嫌犯已被警方逮捕歸案,而為了答謝顧客嘅幫忙,店方更決定將所有「罪犯曲奇」贈予該區居民。


圖片來源:The Canfora Bakery