由於微縮模型的體積細小,所以製作起上嚟就會比一般模型困難。不過對於日本一位神人嚟講,製作普通的微縮模型只係簡單的事,而為咗進一步挑戰自己,佢就係屋企嘅燈掣旁邊鑽牆,並用咗6個月時間整咗一間「有露台嘅套房」。

該位神人Mozu日前嗎Twitter上分享自己最新的作品,而從影片中可見,燈掣一旁有一間帶有露台嘅房間。房間內的書枱放滿了東西,而床的下方就亦堆滿了書籍、書包等上學用嘅雜物。最令人佩服的是,Mozu連牆壁上的壁報板、海報,以及書枱上的各種物件都做得十分精細。

其實 Mozu 過去都製作咗唔少類似嘅微縮模型,而佢嘅其中一件作品更加係隱藏喺一個電掣後面,大家只有揭開電掣蓋先可以發現裡面是一個放滿電子產品的「秘密基地」。如果各位讀者對 Mozu 的作品有興趣,不妨到佢嘅Twitter睇下其他有趣的微縮模型作品。


圖片來源:rokubunnnoichi@Twitter