近日內地一條影片引起廣泛網友關注,非常之振奮人心! 

內地西南大學舉行嘅重慶市大學生運動會上,一位獨臂少年憑藉1126嘅好成績奪得男子100米乙組冠軍,震撼全場。

响呢位獨臂少年一旁跑道嘅黃同學表示,想喺體育競賽中拎到好成績係要付出好多努力,更何況獨臂。獨臂會令到重心唔平衡,100米來說,離心力會有點大,能夠跑到第一名令人佩服。

呢名一鳴驚人嘅獨臂少年叫陶志强,今年22歲。陶同學表示,1126嘅成績亦都刷新咗自己百米賽成績紀錄。陶同學又說,自己生下来就係獨臂,從小已經適應獨臂嘅生活,心態一直都好樂觀,仲話「別人兩隻手完成的事情,我用一隻手臂也照樣可以做」。

由於獨臂致陶同學重心不穩,剛剛練跑時,佢經常摔倒。為咗增強自己核心力量同平衡感,陶同學每日都會做俯臥撐、單腿蹲起等動作。現時係二級運動員水準嘅陶同學,表示「我的夢想就是有一天能為國出征,在全世界的舞臺展現自己」。 

網友都紛紛表示好感動。又留言表示,「身殘志堅!我們還有什麼理由不努力」、「斷臂終成隱形的翅膀」,陶同學堅強樂觀嘅心態鼓舞了不少人。 

圖片來源︰人民日報;澎湃新聞