「請你打開電視看看多少人,為生命在努力勇敢的走下去,我們是不是該知足,珍惜一切就算沒有擁有。」

唔知大家有冇聽過周杰倫嘅《稻香》呢?原來呢首歌有段故,創作背後嘅理念係希望帶到正能量畀年輕人!

事緣昨日(512日)係汶川地震13周年,當年真係震碎咗不少同胞嘅心,四川省汶川縣一瞬間變成廢墟,好多人失去家園,甚至要面對眾親人離逝嘅慘況,令身處異地嘅同胞喺媒體上見到這一幕幕嘅畫面,都禁不住淚目。 

昨日《南方人物周刊》喺微博重新發佈於2013年訪談周杰倫嘅記錄,問及《稻香》嘅創作因由,周杰倫表示當時係有感而發。又說,「那時李連杰跟我説,應該給現在的年輕人一些教育」,依家患上抑鬱症自殺嘅人非常多,應該寫一首正能量嘅歌曲。加上經濟不景氣,上班族面臨裁員危機,「我就想不要直接寫地震,寫一首有共鳴的歌曲」,希望聽眾可以藉歌曲療傷咁話。

汶川大地震發生時,引起港人廣泛關注。當時港人眾志成城為受災人士籌款,香港政府同民間共捐款220億港幣。 

圖片來源︰人民網