年輕人係未來社會棟樑,有非牟利機構透過遊戲及「速配師友」,畀高中學生了解職場上需備嘅能力及要求。

青年成就香港部(JAHK)聯同商界機構德勤合辦師友配對計劃,藉此畀高中生掌握到職場所需嘅人際溝通技巧同協作能力。

師友活動去年10月開始,課程為期3年,現時已有超過600個中四至中六、來自56間本地學校嘅學生參加,亦有超過170名來自商界嘅人士擔任義工導師,學校依家有興趣都可以即時報名參與。惟現時因疫情關係,暫以網上視像形式進行有關工作坊。 

JAHK主席盧永仁指出,年輕人响同人溝通、抗逆等方面嘅軟技巧較為遜色,認為疫情下,無論成人或小朋友都要學習如何面對逆境,而呢啲軟技巧往往未能喺課本學到,師友速配計劃正係希望畀學生從中學會與人溝通同商量。 

JAHK行政總裁蔡卓慧指,工作坊會為同學提供不同遊戲,例如協作遊戲、解難遊戲等,畀學生學習不同嘅軟技能,包括溝通能力等;工作坊亦會隨機速配師友,同組嘅同學有機會來自不同學校,從而讓學生能夠學習與陌生人溝通,並擴闊自己圈子。 

圖片來源︰JAHK