香港科技大學展開學生宿舍工程之際,本周二(4日)施工時發現一條神秘地道,科大即時停止工程,其後古物古蹟辦事處派員到場視察,就地道展開研究。

據悉,現場有3個地道入口,均約1米乘1米,只能夠畀一個人進入。有學者睇過現場圖片後認為,地道似由人手挖掘。 

古蹟辦回覆稱,本月4日早上接到警方通報,表示响科大校園一個建築地盤發現疑似地道,接報後立即派員到現場視察,記錄及查詢發現地道經過。古蹟辦表示,正研究有關地道,並等待科大及建築承建商提供地道嘅進一步資料,例如內部照片,以供古蹟辦參考及研究;而科大已於當日早上暫停該地盤嘅工程。

熟悉軍事建築嘅港大建築學院房地產及建設系教授黎偉聰表示,推測地道係响二戰期間,由日軍以人手挖掘,指該處距離同當年英軍「醉酒灣防線」嘅槍堡非法接近,但實際用途仍有待考究。又形容,該地道係「科大文物」,建議政府應詳細勘察及考究,避免因要展開工程而拆卸。

圖片︰網絡來源