在職家長唔方便時時刻刻都照顧着兒童,對幼兒託管服務需求殷切,希望仔女獲得妥善照顧。

香港專業教育學院(IVE)設計一套「幼童健康紀錄雲端管理系統」,畀幼兒中心職員輸入幼童體溫與表現評估等數據後,家長能夠實時瀏覽資料,可以安心返工。 

系統現正喺基督教香港崇真會恩樂園投入運作,職員可以節省筆錄資料時間,專心照顧幼兒,更關注其心智同自理能力等發展。園方日後會繼續同IVE師生合作,改良系統和推展到其他中心使用。 

呢個「幼童健康紀錄雲端管理系統」智能電話應用程式,由IVE雲端系統及數據中心管理高級文憑課程學生編寫而成。職員可以响程式中,記錄幼童各項健康狀況,加密輸入資料後,會即時上載至雲端伺服器。家長通過登入專用網站,可實時查看子女當日於幼兒中心嘅情況;同時亦可以翻查過往紀錄,了解幼兒過去一段時間嘅相關資料。 

不少人擔心使用電話應用程式,或有資料外泄風險。編寫應用程式IVE學生羅鎂晴稱,系統設計已有考慮通過設定權限,每位家長只能夠瀏覽自己子女資料,系統資料安全。又指,網站設計簡單易用,盼能夠幫助工作繁忙嘅在職父母,喺彈指間了解子女狀態。 

圖片來源︰IVE