嚟緊大家有好節目啦!呢個節目既可以欣賞到微型藝術,又可以愐懷香港昔日情懷!

觀塘全新商場裕民坊「YM2」聯同「快樂微型藝術會」,喺51日至74日舉行「官塘‧傳情 微縮藝術展」,展出一共38件精細藝術品,重塑觀塘人最有回憶嘅寶聲戲院、7間老小店等,以及多個充滿本土特色嘅場點如長洲搶包山、大澳棚屋等,令人回憶返哂嚟!

「快樂微型藝術會」希望透過微型藝術,將香港嘅生活、文化同景觀立體細緻地呈現出來。今次微型藝術展總共有38件藝術品,其中有20件係全新亮相嘅新作,包括觀塘區舊貌店舖,如1.5米長嘅《觀塘裕民坊》《雞仔餅大王》,勾起街坊回憶嘅賣聲戲院、舊式麥當勞等,另外仲有觀塘7小店,包括《永興豆漿王》《福泰晶品》《興發生果店》《駿業士多》等,當中的「裕民坊潮菜小店」極費心神,精心雕琢蠔仔粥、凍蟹、豬紅、筍、韭菜花、鵝片、滷水蛋等,刻畫之入微令人嘆為觀止。 

模型以約1: 76比例呈現出來,每件都係由藝術家以舊照及資料蒐集作參考,以一條街還原觀塘舊街景,當中有霓虹燈招牌、唐樓,生動地刻畫出昔日嘅璀璨繁華。但講到香港嘅招牌特色,少不了「大澳棚屋」及「長洲搶包山」等場景,「快樂微型藝術會」將棚屋嘅水鄉景致神還原,連水上小艇嘅倒影都畫埋,像真度極高! 

活動詳情︰

「官塘‧傳情 微縮藝術展」

地址︰觀塘裕民坊(YM21樓中庭 觀塘協和街33

日期︰51日至74 

圖片來源︰快樂微型藝術會及相關機構