早前日本決定將福島第一核電站嘅核廢水排入大海,並引嚟咗唔少爭議。而內地一名插畫師近日亦就此事表態,將日本江戶時代著名嘅浮世繪《神奈川衝浪裏》,改成一幅名為《神奈氚衝浪裏》嘅畫作,去諷刺日本將核廢水排入海嘅行為。


喺《神奈氚衝浪裏》中,白雲變成咗十字架、富士山變成咗核反應堆煙囪、滔滔巨浪變成咗一隻隻怪手,就連原本嘅船工亦變成一個個著防護衣嘅人。而佢哋將核廢水倒入大海嘅同時,一旁嘅政客以90度鞠躬向大家道歉。


呢幅改圖隨即引起熱議,當中唔少網呢都大讚圖片中嘅細節到位。至於創作呢幅改圖嘅內地網民「一個熱愛學習的男孩」表示,自己知道日本政府嘅決定時感到難過b同不滿,於是想用畫筆表達抗議。而佢亦指自己自小就喺海邊長大,不希望以後都無法靠近大海。


圖片來源:一個熱愛學習的男孩@微博