廢棄嘅建築物總係俾人陰森恐怖嘅感覺,不過日本北海道呢間廢棄小學就意外咁有種神秘美,不禁令人諗起宮崎駿嘅電影!

據日媒報導,有位叫「kyon_K4」嘅網友最近喺社交網站分享一系列相片,指呢啲係佢喺北海道山區一座廢棄小學影到嘅相。呢間美唄市立沼東小學自1974年就閉校,之後一直荒廢至今。kyon_K4表示,其實佢以前就知道呢座廢墟嘅大名,2013年更曾經到訪拍攝。宜家佢有一台航拍機,可以由高處拍攝,於是就影到呢系列作品。雖然其中一部份建築物因為積水難以拍攝,但見識到人造建物被大自然徹底包圍嘅景象,令佢讚嘆不已。

網民們亦紛紛留言:「好神秘的地方」、「北海道森林中的學校有點可怕,感覺會有熊」、「很像某個隱藏關卡」、「浮在森林中的「天空之城」」、「美到說不出話」、「好像幻想秘境喔」。

圖:Twitter@ kyon_K4