為咗提醒司機喺長途駕駛嘅時候要有適當休息,以避免佢哋因疲勞駕駛面引起交通意外,日本神奈川縣一個公路服務區近日就增設咗一個新型馬桶,喺駕駛者如廁時順便為佢哋測量疲勞程度。


呢款位於神奈川縣海老名市一個公路服務區嘅新型馬桶,可以透過廁板內嘅震動感應器,以脈衝方式量度使用者嘅疲勞程度。用家只需選擇年紀,以及回答「是否疲勞?」呢條問題,程式就會自動運行,為其進行一個為時 60 秒左右嘅測試。


喺測試程式運作期間,系統會告知用家馬桶測量背後嘅原理,亦即係交感神經系統嘅緊張程度增加,就會令到副交感神經系統嘅活動度降低,並意味處於疲勞狀態。而測試完結後,屏幕會顯示用家係「好攰」、「有啲攰」,以及「一啲都唔攰」。


圖片來源:SoraNews24