指甲太長唔單止唔衞生,更會影響日常生活,不過美國女子Ayanna Williams自1990年起,就無剪過指甲。Ayanna留咗31年指甲,10隻手指嘅指甲加埋已經有7.3米長,佢單係搽一次指甲油,就要足足搽兩瓶指甲油,耗時20個鐘先搽得完!

據外媒報道,住喺美國德克薩斯州嘅Ayanna Williams自1990年起,就無再剪過指甲。到2017年,佢嘅指甲累計長度已逼近5.8米。今年四月,佢嘅指甲更加長到7.3米,佢終於決定要剪指甲,於是到當地嘅皮膚科醫院,用特定嘅工具剪指甲。Ayanna表示,之後佢打算將指甲留到15cm左右,而佢剪落嚟嘅指甲,預定會放喺美術館入面保存展出。

網友們大表驚訝,紛紛表示:「很好奇她的生活該怎麼辦,要怎麼洗澡、上廁所、吃飯睡覺」、「這一定沒辦法做家事,但上廁所完她要怎麼擦屁股」、「雖然價值觀不同,不過人類為什麼要留這麼長的指甲呢」、「留了30年都沒斷某方面來說也是滿強的」、「這能保持清潔嗎?100人之中恐怕有100人都懷疑吧」。

不過,Ayanna嘅指甲都唔算係史上最長,世界記錄指甲最長嘅人,係美國女子Lee Redmond。佢由1979年開始唔剪指甲,最終留下8.5米長嘅紀錄。然而喺2009年嘅一次車禍中,佢失去咗佢嘅指甲,無緣留下更長嘅紀錄。

圖:Guinness World Records