為咗方便一眾懶人處理食完嘅杯麵,日清食品近日就同與小林製藥合作,研發咗一種可令杯麵湯汁變成固體嘅粉末。而大家食完杯麵後,只需將粉末倒進杯裡攪拌,湯汁就會係10秒後凝固,可以直接將杯麵連湯汁扔落垃圾桶。


根據日媒報道,為避大家喺戶外食杯麵嘅時候,隨意將剩湯倒掉,污染郊外水源同土壤。日清食品日前就推出咗一款「杯麵湯汁凝固粉」,希望透過粉末將剩湯變成偏白色嘅固體,方便大家將整個杯麵當作「可燃垃圾」抛棄。


值得一提嘅係,湯汁凝固嘅時間會受湯量、溫度,以及口味等因素影響,而「杯麵湯汁凝固粉末」目前僅適用於原味、咖哩味、海鮮味、歐風芝士咖喱、味噌、辛辣蕃茄等9種口味。另外,呢款粉末現時仍屬非賣品,大家需要喺日清嘅日本官方網店購買指定杯麵,先可以免費得到粉末。


圖片來源:Nissin