消防員嘅工作關繫到市民嘅生命安全,刻不容援,佢哋需要經常保持高度警惕,一旦警鐘響起就要即刻集合出發。內地貴州遵義市有位消防員喺沖涼期間,警鐘突然響起,佢只係著住條底褲就衝咗出去,仲差啲跣親。呢段片喺網上瘋傳,網民紛紛大讚消防非常敬業。

短片上見到,呢位23歲嘅消防員張站偉只係著住條底褲、頭上嘅泡泡都未沖洗乾淨就衝出走廊。點知佢轉彎嗰陣差啲跣倒,仲甩埋對拖鞋,但都無阻止佢前進嘅腳步,佢索性鞋都唔著就去集合。當佢著住消防服準備出車嗰陣,頭上仲一頭泡。但原來消防局嘅警鐘仲維修緊,突然響起只係誤鳴。張站偉之後表示:「當我聽警鈴響起時,自己不受控制,不住地從洗澡室裡沖了出來。」網友紛紛留言表示:「消防員真的太偉大」、「辛苦你們了」、「有這樣的消防員在,這整個地區的人就可以安心了」。

無獨有偶,仲有一段片見到,媽媽帶住囡囡到消防局搵消防員爸爸,結果爸爸啱啱將囡囡抱起,警鐘就突然響起,而呢位爸爸即刻下意識就抱住囡囡衝去集合,嚇到媽媽馬上阻止。網友留言表示:「這是消防員的使命,但看起來有點可憐」、「女兒看起來好失望」。

圖:中新網