香港被譽為美食天堂,本地飲食文化更吸引到世界各地嘅旅客來往品嚐。香港郵政就以「香港懷舊小食」為題,响本月22日(星期四)發行一套6枚郵票及郵票小型張,展示形形色色的嘅風味小食。 

今次發行嘅特別郵票繪有6款經典嘅地道小食,包括金黃「彈牙」、香濃惹味嘅魚蛋;甘香鬆脆、甜酥可口嘅糖蔥餅;滋味無窮、微帶焦香嘅煎釀三寶;冰熱交替、口感獨特嘅菠蘿油;汁鮮味濃、色香俱全嘅滷水串,以及香甜鬆脆、老少咸宜嘅花生糖。

郵票小型張就另外展示咗五款令人回味嘅懷舊小食,有伴以豉油、甜醬、麻醬、辣醬同芝麻嘅腸粉;豆香濃郁、滑嫩如絲嘅豆腐花;香脆軟糯、甜而不膩嘅麥芽糖夾餅;紅豆綿密、質感「煙韌」嘅砵仔糕,以及外脆內軟、蛋香四溢嘅雞蛋仔。 

設計師以簡約寫實嘅風格,配埋鮮明亮麗嘅色彩,塑造令人留哂口水嘅美食。此外,郵票及郵票小型張採用壓印技術印刷,令各款本地小食更具立體感,令美食好似喺眼前咁。 

香港郵政又指,今次發行嘅郵品最引人注目嘅係以雞蛋仔為造型嘅套摺。其外形設計加咗傳統啡色紙袋元素,增添懷舊復古氣息。至於同時推出嘅珍藏卡,上面嵌有一套6枚自動黏貼郵票;至於小版張上,兩套郵票分別以波浪形排列,營造出起伏有序嘅視覺效果,又加插咗多種懷舊餐具、幼滑香濃嘅港式奶茶等元素點綴,令郵票主題更突出。 

各郵政局422日起發售呢套特別郵票及相關郵品(首日封、郵票、郵票小型張、小版張、套摺、珍藏卡及已蓋銷首日封)。 

了解詳情︰https://stamps.hongkongpost.hk/?lang=C 

圖片及資料來源︰香港郵政


郵票、特別郵戳同彩色郵戳。


郵票小型張、小版張。


珍藏卡。


首日封。


套摺。