皇都戲院係本港罕有嘅舊式大戲院,擁有68年歷史,2017年獲一級歷史建築評級。皇都戲院嘅建築除咗富現代主義色彩,50年代仲一度成為國際文化表演地標。

地產商「新世界發展」去年10月宣佈啟動保育皇都戲院計劃,包括天台俗稱「飛拱」嘅桁架建築,希望「保其建築,育其靈魂」。新世界旗下嘅非牟利機構「Culture for Tomorrow」喺皇都修復前,發起為期一個月嘅「尋找你我他的皇都」代入式歷史體驗活動,畀觀眾感受昔日皇都嘅風采。

參觀者踏入皇都戲院商場嘅一刻,就好置身响50年代皇都戲院嘅華麗舞台。於售票處接過一張舊式戲票開始,走入時光隧道咁,感受皇都嘅前世今生,由璇宮戲院、「小上海」到皇都戲院,由國際級表演到中西首輪電影,令參觀者啲情懷湧哂出嚟!另外,4月中起,「Culture for Tomorrow」都會透過網上虛擬導賞,實現線上線下都畀觀眾感受皇都昔日嘅傳奇。

「尋找你我他的皇都」詳情:

日期: 41日至430

時間: 上午10時至下午7

地點: 北角皇都戲院商場 (英皇道279號,電廠街交界) 

是次活動開放時段有限,並實施人流管制。有意參觀人士可以先喺網上登記成為「Culture for tomorrow 」會員,填寫網上問卷後,有機會獲邀參觀。活動舉行至430日,每日最多有300人入內參觀。 

了解更多:https://www.culturefortomorrow.org/ 

圖片及資料來源︰Culture for Tomorrow