近日澳洲一個湖泊因為擁有夢幻般嘅粉紅色湖水而喺網上爆紅,唔少人更被呢一個奇景吸引,特地前往該處拍照打卡,讓該湖泊成為咗一個最新嘅打卡熱點。而湖水變成粉紅色亦屬自然現象,並無受到任何嘅工業污染,實在相當神奇。


根據外媒報導,該湖位於離墨爾本市中心只有約20分鐘車程嘅西門公園(Westgate Park)。其實該湖泊並非一直都係粉紅色嘅,只有在適當嘅鹽度、陽光、高溫、濕度下,藻類先會產生一種特殊嘅化學物質,令湖水變成粉紅色。


公園管理處表示,湖泊第一次「變色」係喺2012年12月,而之後每年夏天湖泊幾乎都會再次「變色」。另外,中午大陽最猛嘅時候湖泊嘅顏色會變得更鮮明,亦即係每日早上10點到下午2點左右。而唔少遊客睇過呢個奇景後都表示,自己完全無諗過湖泊可以變成粉紅色。


圖片來源:travelwithestelle@Instagram,seekinglara@Instagram