好多假髮都需要用真髮製造,台灣小學生敏睿見到姐姐捐頭髮,自己亦留起長髮嚟捐俾癌症基金會,等佢哋利用呢啲頭髮整成假髮幫助癌症患者。敏睿差唔多留咗兩年長髮,先留到捐髮最低要求嘅30cm長髮,佢捐完一次頭髮之後仲想繼續留長髮、再捐一次。

讀小學四年班嘅敏睿見到姐姐捐髮後,亦想同姐姐一樣幫助更多人,於是主動開始留長髮。敏睿係學校田徑隊嘅選手,因為要留長頭髮,佢訓練嗰陣要先戴髮箍、紮起馬尾,唔止咁,佢出門嗰陣更經常被當做女仔。敏睿媽媽表示,敏睿啱啱開始留長髮嗰陣,出去吃飯經常被叫「妹妹、來這邊」。一開始敏睿仲覺得怪怪地,但之後就直接放棄掙扎,唔理其他人誤會,繼續留長髮。

敏睿話,原本想捐完呢次頭髮就算,但當剪咗頭髮之後,有種感動嘅感覺,「想要再留長、再捐一次!」佢希望用自己小小嘅力量,幫助更多癌友走出生命中嘅黑暗。

圖:FB@台灣癌症基金會~熱愛生命 攜手抗癌