退休嘅飛機可以做啲乜?四川成都就將一架廢棄飛機改造成超市,吸引唔少人前往參觀。顧客除咗可以喺機艙內買到生活用品,仲可以喺入面打麻雀添。

呢架廢棄飛機上留有唔少歷史印記,機身上印有「歐城花園」、「中國西南航空」等字樣,機翼上亦寫住「西南航空」。據內媒報道,呢架飛機係前蘇聯生產嘅伊爾18客機,2003年,開發商買咗呢架飛機放喺成都雙流區一個小區俾居民參觀。直至2019年,業主們改造飛機,喺機艙內開設超市,機艙內雪櫃、冷氣等一應俱全,居民可以喺機艙內購物娛樂。

圖:中新網、網上圖片