土力工程處近月試用無人機喺曾受山泥傾瀉影響嘅天然山坡上播種,以加快植被重生、助山泥傾瀉殘痕回復自然外貌。目前試驗計劃分別喺粉錦公路、石崗同打石湖嘅天然山坡進行,而研究團隊會一直監測植物嘅發芽同生長狀況,並評估有關計劃效能。


土力工程處斜坡安全部總土力工程師陳惠蓮表示,傳統修復植被嘅工程比較複雜同耗時,搭建工作平台同連接山坡嘅通道往往需時數月,工程費用更要數十萬元。而為咗縮短播種和修復天然山坡時間,部門就嘗試以無人機播種。


陳惠蓮繼指,無人機只需一至兩天便可完成播種一次,費用更只需二、三萬元,比起傳統工程更具效率同效益。而有關計劃繼為期三年,部門會監察成效,若能有效加快天然山坡回復自然外觀,部門會考慮擴展計劃,將技術用於其他天然山坡。


圖片來源:土力工程處