基督教家庭服務中心早前透過動員社區義工,回收大量廢膠樽同舊Banner並循環再用,打造Banner Rose(花園)Garden展覽,疫情下為社區打氣。 

花園展覽分為兩個展期。「都市綠洲」於320日至29日舉行,日前已經完滿結束。而「綠在觀塘」就喺今日展開,即330日至425日,費用全免,公眾可以自由進場參觀,團體可提前2日預約時間參觀,會獲安排導賞服務。 

「環保服務」高級經理陳毅勤表示,Banner Rose Garden設計意念結合「環保」及「抗逆」兩大元素。當中裝置藝術品,天鵝同Banner Rose都係利用廢棄橫額及可回收嘅塑膠樽升級再造而成,而Banner Rose展覽後仲會响母親節進行社區派發,達至「重用再重用」。 

另一方面,活動能夠凝聚社區共同抗逆。三千朵橫額玫瑰由學生喺停課期間在家動手剪裁及摺疊而成,真正做到「停課不停學」,為社區編織愛心Garden。展覽設計師Chee Yee亦解釋,天鵝有「愛」嘅含意,以塑膠樽拼砌天鵝,期望向社區傳遞愛。 

計劃主任曾寶儀表示,展覽動員社區各方人士合力完成。當中包括邀請區議員、社福機構協助回收超過700張舊宣傳橫額及大量膠樽,並由超過130名中小學學生、義工共同製作,以鼓勵學生及婦女响疫情下繼續關愛社區。

活動詳情:

展覽期:2021 3 30 日至 4 25

地點:綠在觀塘 (九龍灣常怡道27號)

開放時間:逢星期一至日;上午10時至下午5 

圖片來源︰基督教家庭服務中心