運動會大家就見得多喇,唔知海底運動會大家又有無聽過呢?湖北武漢市嘅海昌極地海洋公園喺上星期六(27號)舉辦海底運動會,競賽項目分為「海底球王」、「海底車王」同「海底酒王」三項比賽,吸引唔少參賽者紛紛參賽、大顯身手。

武漢海昌極地海洋公園舉行首屆「極地挑戰賽」,參賽者著住潛水服、戴住氧氣樽,喺大型水族箱內,喺海洋生物之間比賽踢足球、踩單車同飲啤酒。賽事設有10萬蚊人民幣(約港幣11.8萬)現金大獎,一班參賽者都施展渾身解數、一展身手,更有參賽者著色彩鮮艷嘅戰衣吸引觀眾眼球添。運動會除咗引來大批觀眾觀賽之外,亦多咗遊人參觀水族館嘅海洋生物。

圖:中新網