冰島休眠長達6000年的法格拉達爾火山(Fagradalsfjall)上星期再一次爆發,專家指一共有30萬立方米嘅岩漿流出,而當局亦緊急封鎖周圍區域禁止民眾進入。不過隨著爆發減緩,唔少遊客近日就上山欣賞難得嘅美景,當中有人甚至打算利用岩漿整一道「火山熱狗」。


根據外媒報道,呢座火山嘅爆發口距離首都雷克雅維克(Reykjavik)只有40公里,由最近嘅公路徒步90分鐘就可抵達,所以唔少民眾喺爆發減緩後,都開始湧入到爆發口附近,觀賞這個千年難得一見嘅畫面。


徒步嚟到火山口附近後,有民眾嘗試以無人機記錄壯闊嘅景觀,亦有民眾直接搭乘直升機從空中俯瞰。不過最瘋狂嘅都係有人帶咗熱狗同棉花糖上山,並直接將其放係表面冷卻嘅岩漿上,利用岩漿嘅餘溫整食物醫肚。


圖片來源:網上圖片