自新冠肺炎爆發以來,口罩已經成為全球人生活必需品,但一次性口罩保護我哋嘅同時亦為環境帶來傷害。有見及此,荷蘭一位女設計師Marianne de Groot-Pons就創立咗Marie Bee Bloom可生物降解口罩。口罩由全天然物質做成,用完之後更可以埋喺泥土,等待入面嘅種子發芽開花。

Marie Bee Bloom口罩嘅主體用咗荷蘭庇護工場嘅米紙製成,紙內埋有荷蘭草甸花種子嘅混合物,而口罩繩係用羊毛做成,連固定耳繩嘅花花都係由紙製成,成個口罩都可以自然分解。而口罩使用後可埋喺泥入面,等佢自然降解後,口罩中封裝嘅花朵種子就有機會發芽、開花,減少污染之餘仲為地球贈添色彩。

圖:IG@mariebeebloom