為推動香港創科發展,科技園公司宣布「明日創科領袖培訓計劃」(Technology Leaders of Tomorrow Programme, TLT計劃)招募新一屆成員,應對業界日益增長嘅人才需求。

本屆嘅主題係「Start Now, Impact Tomorrow」,同27間夥伴企業合作,預計為學員帶來48個工作機會,包括人工智能及機械人技術、生物醫療科技、數據及智慧城市以及金融科技等領域,數字比去年大幅增加。計劃亦加強同科學園以外嘅科技公司合作,連繫初創及企業,攜手培育本地人才成為未來行業領袖。

去年8位年輕畢業生喺600多位申請者中脫穎而出,投身科技公司。今屆學員將同樣接受為期兩個月嘅創科及領導才能培訓,其後喺計劃內嘅其中一間夥伴企業進行24個月嘅全職研發工作,以提升其科研及商業技能。另外學員亦能夠體驗到科學園社群嘅「Work. Live. Play. Learn.」創科文化,與園區創科人互動及交流。

計劃完結後,亦會為畢業學員提供全方位嘅領導才能培訓及指導。計劃按照一系列準則同夥伴公司合作,包括企業嘅發展前景、研發支援、培訓質素,以及响本港嘅創科活動規模。透過同科技園生態圈以外嘅公司合作,創科學院期望能為專才提供理想嘅發展環境,培訓年輕人成為未來創科領袖。

計劃歡迎主修科學系、工程學系、數學系或其他相關學科,並於近三年內畢業嘅大學生申請。學士畢業生薪酬為港幣25,000 元,碩士畢業生為港幣30,000 元,而博士畢業生則為港幣45,000 元。計劃開始接受報名啦,並於香港時間415 日(星期四)晚上1159分截止申請。 

圖片來源︰FB@Hong Kong Science Park