受疫情影響,德國一間啤酒廠有6000公升嘅啤酒因為滯銷而即將過期。而為咗唔好浪費呢啲啤酒,老闆就決定同麵包師傅合作,將釀酒過程中剩低嘅穀物同酒,製成一款十分特別嘅「啤酒麵包」,並推出買麵包免費送啤酒嘅促銷優惠。


根據外媒報道,啤酒廠 Fuechschen Brewery 自1908年起就由老闆 Peter Koenig 嘅家族經營至今。Peter 則表示,丟掉如此美味嘅啤酒實太可惜,所以自己就諗到以啤酒代水去整麵包,結合2個截然不同產業。


目前已有十幾間麵包店製造「啤酒麵包」,並推出買麵包送啤酒嘅優惠。據了解,該款麵包外脆內軟,一件麵包連啤酒嘅售價亦只為3.95歐元(約港幣$36),所以亦吸引咗唔少顧客。有客人受訪時更表示自己十分支持「啤酒麵包」,因為現時正值艱難時刻,彼此團結互助比以往更加重要。


圖片來源:網上圖片