香港漫畫星光大道內嘅兩個展區「漫大道」同「漫大事」重開後,近日「漫大道」旁更新設咗一個名為「漫漫牆」嘅大型壁畫,而一班本地漫畫家日前更在牆上即席揮毫,畫上自己原創嘅漫畫角色,比各位市民到現場打卡。


踏入2021年,香港漫畫星光大道進入第三期,並將逐步翻新展品。不過受疫情影響,第三期的工程出現延誤,所以目前只係開放咗「漫大道」、「漫大事」,以及「漫漫牆」三個展區比公眾參觀。而其餘展區,即「漫大門」同「漫人幫」則會於稍後時間開放。


「漫漫牆」長約50米,整幅壁畫由18名推介本地漫畫家及12名本地新晉漫畫家的共逾30個原創漫畫角色串連而成。由於所有角色都由漫畫家們親自繪製,所以「漫漫牆」上嘅角色都活靈活現,簡直係香港漫畫家送比大家嘅一份禮物。


圖片來源:Hong Kong Avenue of Comic Stars 香港漫畫星光大道