節能減碳令到生態環境可持續發展,而中電近年就推出咗多項節能計劃響應。

中華電力有限公司所推出嘅節能計劃,協助工商客戶評估及更換節能設備,計劃過去兩年總共慳咗2.7億度電,相等於超過6萬個家庭一年嘅用電量,減少約12 萬噸碳排放量,亦等於約 500 萬棵樹一年減除嘅二氧化碳量。

中電現時共推出3項計劃,包括「能源審核服務」、「綠適樓宇基金」以及「節能設備升級計劃」,為工商客戶提供設備評估服務後,資助客戶更換屋宇設備及安裝智能設備,添置更高效能嘅LED燈膽、光管及冷氣裝置。當中「能源審核服務」費用全免,為工商業界進行能源評估審核後,客戶可以再參與其他計劃,取得資助更換及添置節能設備。 

另外,有參與計劃嘅茶餐廳共獲得20多萬元嘅資助,陸續換咗100LED燈膽及8部變頻冷氣機。茶餐廳負責人楊祥利先生指,計劃令餐廳減少咗約15%嘅用電量,節省每年4萬元嘅營運開支。 

圖片及資料來源︰中電