芬蘭嘅天文攝影師 JP Metsavainio 近日喺社交網站上分享咗一張銀河系跑全景圖,向大家展示咗銀河系中2,000萬顆恒星,以及金牛座到天鵝座之間嘅星際。而呢幅全景圖更加係佢用咗12年時間,將234幅銀河系相片拼接而成嘅,實在十分難得。


Metsavainio 先用一系列改良嘅相機鏡頭同望遠鏡拍攝多張圖像,然後用圖像處理軟件去調整水平同顏色,再依據唔同星系嘅位置,將圖像拼接在一起。


Metsavainio 表示類似嘅銀河系全景圖以前從未出現過,而天文攝影亦是自然攝影中最難嘅,因為銀河系中一啲天體非常昏暗,拍攝嘅時候相當麻煩。早前佢為了拍攝一處超新星遺跡,更加用咗60幾個鐘去進行曝光。


圖片來源:JP Metsavainio