日本一名小學生自細已經好鍾意紅綠燈,平時佢不但會親手製作紅綠燈模型,更會自學習紅綠燈嘅編程。不過近日呢一位年紀輕輕嘅發燒友更索性用自己的利是錢,買3組二手紅綠燈返屋企,以滿足自己對紅綠燈嘅痴迷。


早前11歲嘅太郎同爸爸參加咗九州佐賀縣佐賀市嘅交通燈投標活動,成功以 47,000 日圓(約港幣$3360),投得一個車用紅綠燈,以及兩個行人用的紅綠燈。由於呢啲二手紅綠燈本身不會著燈,所太郎以就一手包辦裝電線、寫程式等工作,讓紅綠燈可以再次亮起,並放到自己嘅房間作裝飾。


其實太郎自從 3 歲起已經好鍾意紅綠燈,不同地區、年代紅綠燈嘅分別佢都瞭如指掌。而太郎更指自己特別鍾意舊式嘅紅綠燈,因為新式嘅 LED 紅綠燈轉燈嘅時間都只有一瞬間,但是舊式卻因為使用燈炮嘅緣故,轉燈時會緩慢嘅變化過程。


圖片來源:Oricon (オリコン)