香港發明再次揚威國際!香港大學(港大)尋日(23號)宣佈,喺「2021年日内瓦國際發明展」中,港大贏得十個「金獎」同「銀獎」,其中流感病毒載體新冠病毒疫苗技術更獲得「評判特別嘉許金獎」殊榮!

日内瓦國際發明展係全球創新科技界嘅年度盛事之一,今年嘅發明展首次以網上形式喺3月10至14號舉行,國際專家評審團對來自20個國家約600個項目進行線上評審。其中,由港大微生物學系教授陳鴻霖、袁國勇、孔繁毅等領導團隊研發嘅噴鼻式新冠疫苗(流感病毒載體新冠病毒疫苗技術),獲得「評判特別嘉許金獎」,另一項為應對疫情而研發嘅「污水新冠狀病毒監測系統」亦獲得金獎「」。同樣獲得金獎殊榮嘅仲有「低溫廢熱轉換電池」、「光無損操控微液滴流體操控器」、「低成本且高產能的超強韌鋼材」三個項目。

而五個銀獎得獎項目就有「納米纖維空氣濾芯」、「無重水底機械人」、「微流控裝置篩選出轉移性癌細胞」、「Momentus Robotics – 磁力共振環境下兼容的驅動器」、「插件式微震動裝置加速骨折癒合」。

圖:港大