除咗香港之外,唔少國家都開始推行大規模嘅接種疫苗工作,而為咗鼓勵人們積極接種疫苗,匈牙利一間甜品店近日就推出咗一款手持疫苗針筒嘅朱古力復活兔,借即將來臨嘅復活節同復活兔作宣傳,鼓勵民眾接種疫苗。


匈牙利首都布達佩斯附近嘅小鎮洛約什米熱,甜品店老闆 Laszlo Rimoczi 製作朱古力復活兔已經有5、6年,而今年佢就決定將一枝注射針筒加到復活兔嘅手中,希望借此鼓勵更多人接種疫苗。


其實 Laszlo 早年亦曾製作過戴口罩嘅朱古力復活兔,但由於今年佢唔想再把關注點放喺戴口罩上,所以就改為製作手持疫苗針筒嘅朱古力復活兔。 Laszlo 對此表示,自己認為接種疫苗先係解決之道,只有疫苗先可以治癒全世界,所以佢就希望想透過自己嘅產品傳達呢一個信息。


圖片來源:laszlo.rimoczi.7@Facebook