市區重建局去年推出為期一年嘅「樂齡安居」先導計劃,紓緩香港人口老化嘅問題。 

呢個先導計劃同社福團體合作,由去年至今免費為6名受重建項目影響後獲編配公屋單位嘅合資格長者,度身設計新居環境。如响單位加入浴室椅及扶手、床欄、夜明燈等長者友善設備。市建局指,好大機會再推出同類計劃,但形式可能會有轉變。 

有患上白內障嘅獨居七旬翁喺計劃下,獲度身訂造新居,生活水平大大改善。73歲嘅蔡伯伯患有白內障及肺氣腫,唔能夠長期站立同行路。佢原本响土瓜灣庇利街/榮光街發展項目嘅天台屋獨居,環境惡劣,好彩最後喺上年獲派藍田平田邨公屋單位。 

針對蔡伯伯嘅需要,計劃團隊為新單位設計咗色彩鮮明嘅門框,減少出入碰撞機會,又响走廊同客廳安裝自動感應夜燈,又安裝摺疊式沐浴椅及床欄等輔助設備。蔡伯伯入伙後稱讚新居設計貼心,關顧其身體狀況同起居需要。 

市建局去年3月起推出「樂齡家居」先導計劃,涵蓋兩個土瓜灣重建項目及一個大角咀項目,由社工團隊轉介受影響嘅長者個案,並夥拍香港聖公會福利協會及建造業關懷基金綜合服務中心。裝修費由市建局以實報實銷支付,每個單位嘅裝修連同社工嘅評估及跟進服務,約15萬元。 

圖片來源︰市建局



裝修後嘅居所非常適合長者居住,設計貼心。


蔡伯伯原先居住嘅土瓜灣天台舊居非常殘舊。