話咁快又一屆中六生就要告別校園,迎戰下個月底開考嘅文憑試(DSE)。 

聖公會蔡功譜中學喺上個禮拜(317日)嘅「中六最後上課日」安排活動,除咗準備咗校園生活成長短片畀同學重溫外,又向佢哋派發寫上祝福語句嘅打氣卡,希望勉勵到同學們之餘,亦能留下難忘回憶。校長林玉琪鼓勵同學珍惜所有,抱持感恩、報恩、施恩之心,搵到自己嘅潛能及方向,努力求進。 

當日,學生又收到《致五年後的我》信件,寫信人就係五年前讀緊中一時嘅自己。佢哋收信後,又再動筆寫一封《致五年後的我》。中六級馮同學指,預視自己5年後嘅生活會比依家辛苦,喺信中就寫咗勉勵將來自己嘅說話。 

圖片來源︰FB@聖公會蔡功譜中學

同學將信件投入收集箱。