新冠肺炎肆虐全球,各國無一倖免受疫情困擾,好多人亦因此想搵一個可以遠離新冠病毒嘅世外淨土。英國拍賣行近日就喺官網拍賣一座位於蘇格蘭嘅小島,成個島只需要8萬英鎊(約86.4萬港幣)起跳,仲附贈一座島上古堡,令唔少賣家心動。

根據外媒報道,英國一間名為「未來財產(Future Property)」拍賣行以8萬英鎊嘅底價拍賣一座位於蘇格蘭嘅小島,拍賣行表示,呢座喺蘇格蘭高地上嘅小島總共有11英畝(約4.45萬平方米),四周被湖水包圍,如果喺呢座無人島居住,就可以享受「病毒零入侵的機會」。拍賣價格一公布後,立即吸引來自世界各地投資者嘅目光。

物業經理Stephen McCluskey提到,島上除咗一棟13世紀建造嘅古堡外無其他建築,先前業主為蘇格蘭一個古老家族,中標者將有機會成為英國商業大亨Richard Branson家族嘅鄰居,甚至可以見到海豚、松鼠等動物。

圖:Future Property