美食廣場入面不時有人執人哋食剩嘅飯嚟食,衛生問題令人擔憂,而喺疫情期間更有機會因此受感染,但係如果有得揀,又有邊個想食「二手飯」?最近,本港社企銀杏館就幫助其中一位食「二手飯」充飢嘅83歲免費到社區飯堂用膳。

銀杏館最近喺社交網站發文表示,呢位婆婆近月一直去西九龍中心8 樓嘅美食廣場執二手飯充飢,曾有職員問婆婆:「依家疫情咁嚴重,你唔擔心食二手飯衛生問題嗎?」婆婆無奈感嘆:「肚餓起上嚟都無辦法啦!」婆婆仲揹住大袋衣物,佢解釋指呢啲衫係人哋唔要送俾佢嘅,佢一陣會擺喺街邊賣,「不過唔係成日有生意,有時擺成日都冇人買。」社工已經向婆婆發出「飯卡」,等婆婆得以去銀杏館嘅社區飯堂免費用膳,婆婆仲話:「有得嚟呢度食飯,唔使再去食二手飯喇。」

圖:FB@銀杏館