相信大家都有網購嘅經驗,但你又無試過係收到貨物後,發現外面嘅紙皮箱已經破爛,而裡面嘅物物亦都受到不同程度嘅損傷呢?為咗避免貨物係運輸途中受損,一位日本網民近日就設計咗一款另類嘅封箱膠紙,希望藉住將紙箱變到十分破爛,讓速遞員更加小心處理自己嘅貨物。


網民 Monyaizumi 日前在 Twitter 上發文指,自己設計咗一款以「表面破爛嘅紙皮箱」為造型嘅封箱膠紙,而只要將呢款膠紙貼到紙皮箱上,紙皮箱就會有一個「就快爛」嘅視覺效果,從而快遞員喺送貨時需要格外留神。


為設計出呢款封箱膠紙,該網民更認真地研究咗紙皮箱嘅紋路,嘗試忠實還原一個爛紙箱。而佢亦對最後嘅成品十分滿意,並將膠紙放上網比有興趣嘅網民購買。


圖片來源:Monyaizumi@Twitter